კონფიდენციალურობის პოლიტიკა

აქ წერია, რა მონაცემს ინახავს NDroad, რისთვის და რამდენ ხანს. ვცადეთ, უბრალო ენით დაგვეწერა.

1. ვინ რას აკონტროლებს

სისტემას ორი მხარე იყენებს და კანონის წინაშე თითოეულს სხვა როლი აქვს.

• კომპანია, რომელიც NDroad-ს იყენებს, არის მისი თანამშრომლების მონაცემის მაკონტროლებელი. ის წყვეტს, ვინ დაამატოს სისტემაში, რა ხელფასი ჩაწეროს და რამდენ ხანს ინახოს ეს ჩანაწერი.
• შპს ახალი მიმართულების გზა არის მონაცემის დამმუშავებელი: ვმართავთ პროგრამას, რომელშიც ეს ჩანაწერები ინახება. კლიენტის მონაცემს ჩვენი მიზნებისთვის არ ვიყენებთ, სხვას არ ვყიდით და რეკლამისთვის არ ვამუშავებთ.

ერთი გამონაკლისი: ანგარიშის მფლობელის საკონტაქტო მონაცემს (სახელი, ელფოსტა, ტელეფონი) ჩვენც ვამუშავებთ როგორც მაკონტროლებელი, რადგან ხელშეკრულება პირდაპირ ჩვენს შორისაა.

თუ თქვენ ხართ მუშა ან ბრიგადირი და გაინტერესებთ, რატომ ჩანს თქვენი მდებარეობა ან ხელფასი სისტემაში, ეს კითხვა თქვენს დამსაქმებელს ეკუთვნის. ჩვენ მას ვერ წავშლით მისი დავალების გარეშე, სამაგიეროდ ვალდებული ვართ დაგეხმაროთ, რომ თქვენი მოთხოვნა მას მივიდეს.

2. რა მონაცემს ვამუშავებთ

ქვემოთ ყველა კატეგორიაა, რომელიც სისტემა ნამდვილად ინახავს. სხვა არაფერს ვაგროვებთ.

რას არ ვაგროვებთ: ბარათის მონაცემს (გადახდა ინვოისითაა, ბარათს არ ვინახავთ), პირად ჯანმრთელობის ან ბიომეტრიულ მონაცემს, თქვენი ტელეფონის კონტაქტებს, და არანაირ ანალიტიკურ ან სარეკლამო თვალთვალს. სისტემაში მესამე მხარის ანალიტიკის კოდი არ არის.

3. რა საფუძველზე ვამუშავებთ

• ხელშეკრულება. ანგარიშის მონაცემი და ყველაფერი, რასაც სისტემა თქვენი დავალებით ინახავს, სხვაგვარად მომსახურებას ვერ გაგიწევთ.
• კანონიერი ინტერესი. ტექნიკური ჩანაწერი და შესვლის მცდელობები სისტემის დაცვისთვის: ამის გარეშე პაროლის გამოცნობის მცდელობას ვერ შევაჩერებთ.
• კანონის მოთხოვნა. საბუღალტრო და საგადასახადო ჩანაწერი, რომელსაც კანონი გვავალდებულებს შევინახოთ.
• თანხმობა. ტელეფონის ნებართვები, იმ ფარგლებში, რაც მე-4 პუნქტშია აღწერილი. თანხმობის უკან წაღება ნებისმიერ დროს შეიძლება.

4. ტელეფონის ნებართვები

მობილური აპლიკაცია ოთხ ნებართვას ითხოვს და თითოეული მხოლოდ ერთი კონკრეტული ფუნქციისთვისაა.

• კამერა: ობიექტის ფოტოს გადასაღებად. ფოტოზე თარიღი და მდებარეობა გადაღების მომენტში იბეჭდება.
• გალერეა: უკვე გადაღებული ფოტოს ასარჩევად, თუ კამერით არ იღებთ.
• მდებარეობა: მხოლოდ მაშინ, როცა აპლიკაცია ღიაა. დაკეტილი აპლიკაცია მდებარეობას არ კითხულობს.
• Face ID ან თითის ანაბეჭდი: აპლიკაციის განბლოკვისთვის. ბიომეტრია ტელეფონიდან არ გამოდის. სერვერზე მხოლოდ ის მოდის, განიბლოკა თუ არა.

ნებართვის უარი აპლიკაციას არ აჩერებს, მხოლოდ შესაბამის ფუნქციას თიშავს. ნებართვა ტელეფონის პარამეტრებიდან ნებისმიერ დროს ჩამოირთმევა.

5. ქუქი-ფაილები

სარეკლამო ან თვალთვალის ქუქი არ გვაქვს. სულ ოთხი რამ ინახება ბრაუზერში.

20 წუთი უმოქმედობის შემდეგ ვებ-სესია თავისით იკეტება. ადმინისტრატორის სესია 8 საათზე მეტს არ ცოცხლობს.

6. ვის ვუზიარებთ

მონაცემს არ ვყიდით და არ ვცვლით. სისტემა შემდეგ გარე სერვისებს ეკონტაქტება, ყოველი მათგანი კონკრეტული ფუნქციისთვის.

• შეტყობინებების სერვისი. როცა მობილურზე შეტყობინება მიდის, გარე სერვისს გადაეცემა თქვენი ტელეფონის სანოტიფიკაციო ტოკენი და შეტყობინების ტექსტი (მაგალითად „ანგარიში დასადასტურებელია"). ხელფასის ციფრები ან ფოტოები შეტყობინებაში არ იგზავნება.
• ელფოსტა. ადმინისტრატორის ერთჯერადი კოდის გასაგზავნად. წერილში კოდი და მოთხოვნის IP მისამართი წერია, სხვა არაფერი.
• რუკის სერვისი. ორ ადგილას გვხვდება და განსხვავება მნიშვნელოვანია:
  • ფოტოს შტამპისთვის და კოორდინატის ადგილის სახელად თარგმნისთვის მოთხოვნას ჩვენი სერვერი აგზავნის. თქვენი IP მისამართი ამ დროს რუკის სერვისამდე არ აღწევს, პასუხი კი ჩვენთან ინახება, რომ იმავე წერტილზე ხელახლა არ ვკითხოთ.
  • დაფის რუკის გვერდზე რუკის ფრაგმენტებს თქვენივე ბრაუზერიიღებს პირდაპირ. აქ თქვენი IP მისამართი მესამე მხარეს უჩანს. სისტემის დანარჩენი ნაწილი რუკის სერვისს არ ეკონტაქტება, ანუ თუ ეს არ გსურთ, ამ ერთ გვერდს ნუ გახსნით.
• კანონი. მონაცემს გადავცემთ, თუ ამას კანონი ან სასამართლო მოგვთხოვს. ასეთ შემთხვევაში კლიენტს ვაფრთხილებთ, თუ გაფრთხილება კანონით არ გვეკრძალება.

7. სად ინახება

მონაცემის შენახვის ადგილი: ევროკავშირი (შვედეთი). ეს ევროპის ეკონომიკური სივრცეა, სადაც მონაცემთა დაცვის დონე საქართველოს კანონის მოთხოვნას აკმაყოფილებს, ამიტომ ეს გადაცემა დამატებით ნებართვას არ საჭიროებს.

სერვერის მომწოდებელს, კონფიგურაციას და დაცვის ტექნიკურ პარამეტრებს საჯაროდ არ ვწერთ. ამ კითხვებზე კონკრეტულ კლიენტს ხელშეკრულების ფარგლებში ან უსაფრთხოების კითხვარზე ვპასუხობთ.

8. რამდენ ხანს ვინახავთ

• სანამ ანგარიში აქტიურია: სამუშაო ჩანაწერი ინახება. ეს თქვენი კომპანიის ისტორიაა.
• გამოწერის ვადის გასვლის შემდეგ: მონაცემი რჩება, სისტემა კითხვის რეჟიმზე გადადის. არაფერს ვშლით იმის გამო, რომ გადახდა დაგვიანდა.
• 12 თვის შემდეგ: თუ ერთი წელი განახლება არ მოხდა, მონაცემის წაშლის უფლება გვაქვს. წაშლამდე 30 დღით ადრე იმ ელფოსტაზე გვაფრთხილებთ, რომელიც ანგარიშზეა მიბმული.
• თქვენი მოთხოვნით: უფრო მალე. მოთხოვნას 30 დღეში ვასრულებთ.
• ტექნიკური ჩანაწერი: შესვლის მცდელობები და გაუქმებული სესიები თავისით იშლება, როგორც კი ვადა გაუვლის. ჟურნალი, ვინ რა შეცვალა, ანგარიშის სიცოცხლის ბოლომდე რჩება. შიდა დავაში ხშირად ესაა ერთადერთი ჩანაწერი.
• საბუღალტრო ჩანაწერი: იმდენ ხანს, რამდენსაც კანონი მოითხოვს, წაშლის მოთხოვნის მიუხედავად.

9. თქვენი უფლებები

საქართველოს კანონი გაძლევთ უფლებას:

• იცოდეთ, რა მონაცემი გვაქვს თქვენზე და საიდან მოვიდა;
• მიიღოთ მისი ასლი;
• შეასწოროთ, თუ არაზუსტია;
• მოითხოვოთ წაშლა ან დამუშავების შეჩერება;
• უკან წაიღოთ თანხმობა, სადაც დამუშავება თანხმობაზე დგას;
• არ დაემორჩილოთ მხოლოდ ავტომატურ გადაწყვეტილებას. ასეთს სისტემა არ იღებს: ხელფასს და დასწრებას ადამიანი ადასტურებს, სისტემა ითვლის.

მოთხოვნა გამოგზავნეთ იმ არხით, რომლითაც გამოწერა გააფორმეთ (იხ. მუხლი 12). პასუხს 30 დღეში გცემთ. თუ თქვენს კომპანიაში დამატებული მუშა ან თანამშრომელი ხართ, მოთხოვნას თქვენს დამსაქმებელს ვამისამართებთ და ვადევნებთ თვალს, რომ მასთან მივიდეს.

თუ პასუხი არ მოგწონთ, საჩივრის უფლება გაქვთ პერსონალურ მონაცემთა დაცვის სამსახურში. სასამართლოსთვის მიმართვის უფლება ამით არ იზღუდება.

10. დაცვა

პაროლი დაშიფრული ჰეშითაა შენახული და ღია ტექსტად არ იკითხება. ერთი კომპანიის მონაცემი მეორესთვის ხელმისაწვდომი არ არის და ეს ყოველ მოთხოვნაზე მოწმდება. სარეზერვო ასლი იქმნება და პერიოდულად მოწმდება, აღდგება თუ არა.

დაცვის კონკრეტულ ტექნიკურ პარამეტრებს აქ არ ვწერთ, რადგან გამოქვეყნებული პარამეტრი თავდამსხმელს ეხმარება. კითხვა უსაფრთხოებაზე ხელშეკრულების ფარგლებში დასვით და წერილობით მიიღებთ პასუხს.

აბსოლუტურ უსაფრთხოებას ვერ გპირდებით. თუ ინციდენტი მოხდება, რომელიც თქვენს მონაცემს ეხება, კლიენტს დაუყოვნებლივ ვატყობინებთ და კანონით დადგენილ ვადაში ზედამხედველ ორგანოს ვაცნობებთ.

11. ცვლილებები

ამ დოკუმენტის განახლებისას თარიღი და ვერსია ზემოთ იცვლება. არსებითი ცვლილებისას ანგარიშზე მიბმულ ელფოსტაზე ვწერთ სულ მცირე 14 დღით ადრე.

12. კონტაქტი

შპს ახალი მიმართულების გზა
საკონტაქტო ელფოსტა ამ გვერდზე დაემატება. მანამდე დაგვიკავშირდით იმ არხით, რომლითაც გამოწერა გააფორმეთ.

ეს დოკუმენტი ქართულად და ინგლისურად არსებობს. შეუსაბამობისას ქართული ვერსია სჯობს.